DORUS LEBAY (HUMOR KUPANG)

ceritanya begini :

ada satu harim ni di katong pung kelas, weeeeee itu harim TA LA LU KEMBO BERACUN... hanya besong tau beta to???
kunfu su bajingan le, bukan mau omong sombong ma beta kan ganteng to (basong ke baru tau saaa),
beta ni su dapat piagam ulang-ulang gara ganteng ni.. apa lai dulu pas belum celaka hmmmmm... gan teng mati...

sat kali ada isu yang beredar, itu harim yang gaga2 tu talulu bapili nyong, be pung kawan samua yang mau mangaya dia ni jadi taku, kan dong pikir dong son ganteng to jadi dong mau suru beta ni yang mangayaa..
aittt b bilang sabar dolo,, jadi be liat2 sambil teliti ini nona ni ke biasa sa maaa, mungkin karna b talalu ganteng to  jadi b pung penilain ke dia yaa dia cukup dapat 5 stenga.. o na sudah sudah karna b kasian na 6 su e..

b sonde makan puji ma b pi dia pung rumah ooo... kan ganteng baru cool to,
jadi dia pung mama sambut beta ni sooondee enak punyaa...
pokok nya dia pung mama soya beta ni...
e anak masuk,
ini ada makan ni,
ini ada minum,
eh kau tidak haus ka??
kau haus dulu supaya saya kasi minum kau..
yaaa kalau memang sampe ada pertanyaan kenapa b diperlakukan demikian yaaa katong kembali sa to ke maslah ganteng dan cool tadiii...

pokoknya beta ni punya prinsip dia yang harus rayu dan tembak beta karna beta ganteng baru cool, beta ni slama ini di kenal weeee ni anak ni cool mati baru ganteng lai..

gara2 beta ganteng sa sekarang beta su pake celana dalam yang pake slot tu.. supaya melindungi jang sampe ada yang maksud jahat deng beta lai na mati su beta, beta bole jaga stenga mati slama ini..

na satu kali katong dua ni batabrak, ke di film film, batabrak begini..... diaaaa boleh pikir beta ni akan minta maaf di dia ni... hahaha tau apa b jual mahal, lu tau to ganteng baru cool tamba jago kunfu bagini... betaaaa sondeee toe memang deng diaaaa... sampe karna b ni ta la lu ganteng dan cool pas b pi dia pung rumah dia pung bapa ancam beta deng parang ooo, dia pung bapa bilang beginiiii....
"kau kalau tidak mau dengan saya punya anak, saya be la kau dengan parang" langsung beta bilang begini... sudah le om tenang saaaa... jang sampe karna ini masalah ju om melakukan hal-hal yang tidak senonoh lai.. dia pung bapa bilang begini.. "heh tidak bisa, kau kan ta la lu gan teng, jadi kau harus mau dengan saya punya anak,, wuihh dia pung bapa ni sampe mengemis-mengemis di beta ooo..
jadi beta karna sonde enak jadi b bilang begini... sudah om aman saaaa,pokoknya ini urusan ni tenang beta mau, b akan paksa diri biar deng bapa pung anak b sonde pantas ju b akan paksa diri, sonde enak bapa su mengemis-mengemis begini.....